不苦

营业中

休息中

星期日喺深水埗买咗啲野之后，就悠悠闲揾间cafe 坐下抖下～一边跟google行一边望，发现深水埗都真系开咗唔少cafe，再行下见到角落位有间门面算大，感觉清新嘅「不苦」。辛苦工作左成个星期，感觉「好苦」，所以见到呢个cafe名即刻想冲入去调剂一下自己嘅心情！坐咗冇几耐仲有个朋友嚟揾我添！ 咁就同朋友倾偈饮咖啡悠闲咗一个下午～ cafe收6点所以都唔会坐太耐，有限时都好，唔可以比自己太过懒洋洋～ Matcha Latte 💲52(H)Mocha 💲46(H) Smoked Salmon Eggs Benedict Sourdough 💲98 个水波蛋做得唔错，圆润大个，又唔会太薄易爆破，戳穿水波蛋外层就有蛋黄缓缓流出，令整体口感更滑溜又有蛋香。包底亦唔会湿笠笠，保持到烟韧松软嘅口感，加埋烟三文鱼系perfect match。Hojicha Cheesecake 💲58焙茶控嘅我有焙茶味嘅蛋糕一定会食！因为总会比一般嘅蛋糕无咁甜，好易入口无咁腻。