真味鮮廚

营业中

休息中

今日出左黎旺角谂住整证件，上网已经预约唔到，所以谂住walkin睇下咩情况！谁知拎筹后职员话大概要等3个钟！咁唯有死死气揾间茶楼饮早茶！位于中旅社对面既呢间真味属于海港集团，谂住冇死！点知质数同服务系麻麻！葱花炸两肠卖相不错！食落都算正常。柴鱼花生粥材料系充足既，每下都会有花生或者瘦肉！但系就好难食，一定系煲左劲耐放左劲耐，而且粥都系偏稀。山竹牛肉球牛肉球大大粒！不错！沾左gip汁好味！翡翠荀虾饺皇点解可以冇正常烧卖？得一个饱鱼烧卖比人拣！？好过份啰！唯有叫个虾饺，幸好虾饺都唔错，个皮烟un，虾都大粒！奶黄包最唔满意呢个奶黄包？唔流心都算，入面都唔系奶黄！都唔知咩黎又花又一粒粒砂糖！我要奶黄包，点解好似变左煎堆涵！仲有个冷气劲大！系咁揾啲屏风整黎整去！阻塞道路！又好似唔够人手！叫左3次辣椒油都冇人理！要自己行出去拎！系咪夜晚食火锅先正常？