麵屋福

营业中

休息中

荃湾唯一一间沾面专门店, 就好似日本既小店一样, 全店沾面就只有三款。 简单。 专注。 我喜欢。 呢日同男人收工八点几黎都全店满座, 等咗一阵就有位了, 三选一沾面同配料饮品, 每款沾面本身已有叉烧同半熟蛋, 可以因应自己既需求再添加配料或者加面, 店员亦会细心问沾面既腍度, 我地就比较钟意硬身少少比较有口感。 枱上有小牌子教你沾面小贴士, 首先一小撮面沾满浓浓既汤品尝, 食哂面后可以叫店员加木鱼汤, 可以饮埋个汤底。🔸鱼介豚骨沾面🔸⭐⭐⭐⭐⭐好浓郁既豚骨汤底, 加上大量葱、 芝麻、 木鱼粉等等, 最原始但好丰富既味道, 食食下面仲发现汤底有少少柚子(?), 令个到汤底加一份清爽而不油腻既感觉。 粗身既面条放落汤度挂满汤汁, 一口接一口, 叉烧都好入味, 加埋半熟蛋就更加正。 食完面后加咗少少木鱼汤, 根本佢地就系好朋友, 不其然就清哂成个汤。🔸蕃茄红油沾面🔸⭐⭐⭐⭐⭐酸甜咸香辣集于一碗汤底, 红油既微辣令原本酸甜既蕃茄汤底多了刺激感, 但又好夹好顺口。 汤里面仲有好多好入味同淋既蕃茄肉, 蕃茄汤爱好者必定喜欢。睇得出餐厅用心煮出好味道既沾面同汤底, 我地必定会再黎食, 推介! 推介!