影片
更多
2023-11-21
351 浏览
大家有想过一晚内，可以同时间食鸡煲，羊腩煲，打边炉，风味小炒及生腌海鲜吗？ 朋友多番游说下，我终于克服遥远车程，由市区远达到屯门，一尝朋友推介多次嘅火锅店。到来前曾网上查一下这间「再来一煲」嘅底细，一间元朗，一间屯门。朋友系识途老马，为我地一众市区人打点好呢餐，更坚决要到屯门店，神神秘秘，原来有特别原因。火锅店装潢正正常常，无咩特别，光猛整洁冷气够已经合格。自选酱料九宫格好慷慨，芫茜生蒜XO酱都齐备，特别一提XO酱，足料有辣劲，自家炒制果然似模似样。虽然食鸡煲及羊腩煲未必用得著呢份酱料，但酱到用时方恨少，费事再问俾人小啦。原来屯门店同元朗店最大分别，就系前者有生腌海鲜供应，广岛蚝、阿根廷红虾、三文鱼同帆立贝，以老板秘制酱料生腌腌制，风味近乎泰式与潮式之间，酸辣带点鲜香，每一口都食到停唔到口，尤其系广岛蚝，鲜爽够蚝味，酱汁满满包裹蚝肉，食得非常过瘾，极力推荐！如果唔系要留肚，呢份生腌前菜可以一个人食十份！友人叫左两碟风味小炒，椒盐粟米、蜜椒薯仔炒牛柳粒。前者水准以上，佐酒必点。后者特别强调想讲，如果大家去爱文生果类大排档都会点呢味，呢度嘅蜜椒薯仔炒牛柳粒绝对系我暂时食过最好，目标直指个薯
到来前曾网上查一下这间「再来一煲」嘅底细，一间元朗，一间屯门。朋友系识途老马，为我地一众市区人打点好呢餐，更坚决要到屯门店，神神秘秘，原来有特别原因。
火锅店装潢正正常常，无咩特别，光猛整洁冷气够已经合格。自选酱料九宫格好慷慨，芫茜生蒜XO酱都齐备，特别一提XO酱，足料有辣劲，自家炒制果然似模似样。虽然食鸡煲及羊腩煲未必用得著呢份酱料，但酱到用时方恨少，费事再问俾人小啦。
原来屯门店同元朗店最大分别，就系前者有生腌海鲜供应，广岛蚝、阿根廷红虾、三文鱼同帆立贝，以老板秘制酱料生腌腌制，风味近乎泰式与潮式之间，酸辣带点鲜香，每一口都食到停唔到口，尤其系广岛蚝，鲜爽够蚝味，酱汁满满包裹蚝肉，食得非常过瘾，极力推荐！如果唔系要留肚，呢份生腌前菜可以一个人食十份！
友人叫左两碟风味小炒，椒盐粟米、蜜椒薯仔炒牛柳粒。前者水准以上，佐酒必点。后者特别强调想讲，如果大家去爱文生果类大排档都会点呢味，呢度嘅蜜椒薯仔炒牛柳粒绝对系我暂时食过最好，目标直指个薯仔粒，味道控制或者香脆程度，绝对系接近天花板级数。下次再来，我想只点「薯仔炒薯仔」，唔知老板俾唔俾呢？
食过前菜，终于食煲，好彩我地人多细众，否则无可能一晚同时食鸡煲同羊腩煲。先试鸡煲，听闻辣度可达至「变态级」，不过我地成班垃圾，浅尝小辣就算。鸡煲酱甜度适中，浓稠度亦相当似样。最特别系鸡煲可以另加鱼标、鹌鹑蛋、鸡杂、鹅肠、鸭舌及鲍鱼等邪恶配料，尤其系头两款配料，其他鸡煲店唔算常见，索汁无比，惹味绝顶！怕胆固醇超标？数字嘅嘢唔好扫兴啦！
另一煲同时上场嘅系限定嘅「清宫药膳羊腩煲」，我以往食重口味嘅双冬羊腩煲较多，药膳入馔一直都唔系我首选，但呢个汤，令我最惊喜嘅系，用来打边炉竟然可以减少滞腻感！以往鸡煲打边炉，邪恶又浓厚嘅酱汁都容易令人顶住个肚，依家用上药膳汤，汤头不单鲜甜无比，入口出奇地感觉清新，渌牛肉食都觉得相当匹配。
讲返呢度嘅火锅料，质素有返咁上下，价钱都合理，款式就大路野，惊喜度未必太大，但我地觉得新鲜好食就已足够，反正主角我都系放眼返喺鸡煲羊腩煲，同埋生腌海鲜身上。
最后有样野值得一提，就系餐牌上有一系列特色沙冰饮品，大大杯芒果沙冰，仲有一款「扮啤酒」嘅小朋友绿茶饮品，搞到我地成班酒鬼竟然破例打边炉无饮酒，试匀晒咁多款沙冰先满足。个人私心推出，芒果沙冰，极级好饮！
总括来讲，「再来一煲」系我非常喜欢及推介嘅特色火锅店，老板有花心思去做每一个细节，无论细路仔、少女定麻甩佬，总有一样令你食得滋味开心。唯一可惜，屯门对我喺讲好远呀……
张贴
