普賢象 (已結業)

今日番工在９龙湾落车拎左张传单，见到呢度新开张；平时番工附近又冇日本拉面，所以决定黎试下。一入门，个员工就每人派一张卡比我地，但因为第一次黎食，所以唔知个程序；原来呢张卡食黎去Order食物的。入面有6间不同拉面品牌;太多选择,我都一间一间听员工介绍佢地的招牌拉面,可能因为有6间竞争,所以佢地都好用心推介;最后我选择左北海道味噌FUGENZO。当我Order左拉面之后;佢比左呢个机我，呢个咇咇]机其实就系当佢响起的时候，代表食物准备好可以去拿了。我觉得呢个设计唔错，等我可以坐低等又唔怕听唔到。「特制味噌拉面」呢个白味噌汤底超浓，亦有香蒜及姜调味，岩哂d中意食重口味既人，但我就觉得太浓了，食完仲会好口渴> <!而面质方面都唔错,用既系幼面, 软硬度适中唔会太林.至于块肉好入味,唔会话好鞋,连同呢块很嫩肉和紫菜一起食,咁就最好味了。呢度有免费冻/热 绿茶自助任饮，不过就要自己行去水bar果边自己装啦。 整体上都唔错，但个人唔中意太浓的汤底，下次会试其他５间。