夏雪 (已結業)

2015年4月17日(星期五)同班姐妹食完飯，去左試呢間喺堅尼地城嘅「夏雪」。全店有4款waffle:朱古力、綠茶、什莓和紫薯。仲有北海道3.7牛乳雪糕同咖啡。講真以甜品店黎講選擇唔多。坐高架凳，大部份人都搭枱，少少迫唔特別舒服，出面又多人等位，唔預laid back食。星期五晚上人好多，等左至少半個鐘，如果唔係三五成群吹住水等，男朋友/老公未必會陪我地啲女人仔癲。相片入食評正題。結論係，你見到條人龍，心入面一定覺得「我揾一次要食到你」，但食完之後，都係不外如是。我同姐妹們都覺得同樣或更低價錢，一定有更好選擇。