影片
更多
2023-04-30
2930 浏览
作为香港人一尽地主之宜，特登带一班因为疫情关系三年无来香港既台湾朋友，一共6大2小来食啲地道香港名店，点知比人㓥。唔知系咪因为我哋成枱都讲普通话，又撞正五一黄金周，所以有特别待遇，觉得我哋似水鱼。 老公先喺门口鱼缸睇住海鲜点菜，点咗两只响螺切片生食，坐到埋餐枱侍应同我报重量，一只三斤几，好彩老公多口问句几钱，阿姐报价$80一両，计计数即刻O咗咀，成三千几蚊一只，我哋即刻话唔要，转过头阿姐又过来报另一只响螺是2斤，都要二千几蚊只，咁贵梗系唔要啦，然后阿姐就话已经㓥咗，无得唔要！点解啲剧情咁熟面口，咁似警讯啲骗案既？ 夹硬将啲药材切碎磨粉就成日听，夹硬话㓥咗海鲜，局我哋食咗佢㖞，真系靠创发见识到呀！阿姐你咁讲唯有照要，碟生切螺片出到来只够6个大人分，细路都无食过，张单收我$25xx ，即系一片螺片平均要$4xx！我真系唔知自己食咗啲咩……老实讲，食物质素是对得起这老店的招牌，食到尾声阿姐问我哋要唔要糖水，佢话有两款，所以我就话一样一半啦，因为我觉得阿姐咁问得，糖水应该系送既。到糖水上枱，我哋又系多口问句，先知道糖水都系要收钱，睇返收据，分别系$40/$30一碗。咁讲真，你要收钱我就未必要咁
唔知系咪因为我哋成枱都讲普通话，又撞正五一黄金周，所以有特别待遇，觉得我哋似水鱼。
老公先喺门口鱼缸睇住海鲜点菜，点咗两只响螺切片生食，坐到埋餐枱侍应同我报重量，一只三斤几，好彩老公多口问句几钱，阿姐报价$80一両，计计数即刻O咗咀，成三千几蚊一只，我哋即刻话唔要，转过头阿姐又过来报另一只响螺是2斤，都要二千几蚊只，咁贵梗系唔要啦，然后阿姐就话已经㓥咗，无得唔要！点解啲剧情咁熟面口，咁似警讯啲骗案既？ 夹硬将啲药材切碎磨粉就成日听，夹硬话㓥咗海鲜，局我哋食咗佢㖞，真系靠创发见识到呀！阿姐你咁讲唯有照要，碟生切螺片出到来只够6个大人分，细路都无食过，张单收我$25xx ，即系一片螺片平均要$4xx！我真系唔知自己食咗啲咩……
老实讲，食物质素是对得起这老店的招牌，食到尾声阿姐问我哋要唔要糖水，佢话有两款，所以我就话一样一半啦，因为我觉得阿姐咁问得，糖水应该系送既。到糖水上枱，我哋又系多口问句，先知道糖水都系要收钱，睇返收据，分别系$40/$30一碗。咁讲真，你要收钱我就未必要咁多碗啦，然后我同阿姐讲，要收钱我哋唔要啦，阿姐又用同一个理由话啲糖水出来无得退，𠮶吓真系著著地。
香港酒楼惯例糖水果盘都系送既，你如果要另计钱唔紧要，打开门做生意个个手法可以不同，既然同行规唔同系咪应该同个客讲明糖水唔系送既，避免误会，等个客自行决定。最后阿姐声称老板请我哋食，真心我唔系要R糖水食先嘈你架。
食一餐饭点既菜有2项都靠生米煮成熟饭既骗徒手法昆个客埋单，个客唔问就唔讲打算瞒天过海，真系点可以唔登特为你打篇食评阻止下枱客中伏先得？
大家过来食一定要问清楚价钱斤数，香港一斤是16両，创发阿姐话佢哋无菜单也没有价钱牌，要来食既真系要睇路！
592 浏览
7 赞好
0 留言
张贴
