世紀椰汁

营业中

休息中

好耐无返过嚟土瓜湾，以前细个嘅时候住喺土瓜湾，经常饮世纪士多嘅椰汁，佢哋以前舖头好大，仲会卖埋生果，夏天就卖椰汁，冬天就卖蔗汁，不过我谂佢而家应该冇分啦，一年四季都系卖椰汁，而且而家间舖头细咗好多，以前呢个铺位连埋隔离个配锁匙舖位系要嚟摆椰子，而家隔离铺嘅八方云集就系佢哋以前卖椰汁同埋生果嘅舖位。仲有好多嘢都唔同晒，以前外卖大枝系用玻璃樽，依家就只有一款胶樽。当然佢都有一杯杯饮，不过我难得嚟到梗系买支大㗎喇！第一啖饮落去真系冇变，都系够冻够甜够香！都仲系咁好饮！