影片
更多
2017-03-05
659 浏览
怀念中学时期嘅味道。想当年中学嘅时代曾经都系运动嘅一份子，成日运动嘅比赛都喺大街嘅室内运动场举办，所以经常性都会去。完咗比赛之后，10次有九次通常都会一大班人去食鱼肉碗仔翅。𠮶阵时候柴娃娃嘅感觉真系好开心，唔知几时，先至会有返啲咁嘅感觉出现呢。我谂冇食到差唔多五六年咁耐，其实我都唔系好知道正确嘅位置系边度，只系隐约有种记忆。远远行过去见到转角位有一大班人，感觉就系佢。排队嘅人大概有10个左右，我哋都系后边排队。咁醒目嘅我当然系问一问呢个位系唔系排堂食架啦，原来食系另外一个位置，自己系个边等，刚好有人走，所以唔使5分钟我哋已经坐咗喺度食，真系好好彩。先讲讲我最钟意食嘅生菜鱼肉食，鱼肉嘅份量仲系咁大份，入面差唔多都有二十几30条，条条都好口粗，口感弹牙得嚟又有点实。有冇食鱼肉嘅感觉？可以话俾大家听就唔多似，反而更加似系面粉较多，但系佢𠮶阵味同质感就系冇得比，系一种好特别嘅感觉，一定要试。碗仔翅入边比较多嘅材料见到就应该系蛋花同肉碎，佢唔似出边食嘅碗仔翅咁花巧，咁多材料，但系佢就做到碗仔翅应该有嘅味道。呢度仲有好多唔同嘅炸物，连炸麦乐鸡都有其实都几可爱，今次就拣咗好多人叫嘅炸番薯，外边𠮶层粉
我谂冇食到差唔多五六年咁耐，其实我都唔系好知道正确嘅位置系边度，只系隐约有种记忆。远远行过去见到转角位有一大班人，感觉就系佢。
排队嘅人大概有10个左右，我哋都系后边排队。咁醒目嘅我当然系问一问呢个位系唔系排堂食架啦，原来食系另外一个位置，自己系个边等，刚好有人走，所以唔使5分钟我哋已经坐咗喺度食，真系好好彩。
先讲讲我最钟意食嘅生菜鱼肉食，鱼肉嘅份量仲系咁大份，入面差唔多都有二十几30条，条条都好口粗，口感弹牙得嚟又有点实。
有冇食鱼肉嘅感觉？可以话俾大家听就唔多似，反而更加似系面粉较多，但系佢𠮶阵味同质感就系冇得比，系一种好特别嘅感觉，一定要试。
碗仔翅入边比较多嘅材料见到就应该系蛋花同肉碎，佢唔似出边食嘅碗仔翅咁花巧，咁多材料，但系佢就做到碗仔翅应该有嘅味道。
呢度仲有好多唔同嘅炸物，连炸麦乐鸡都有其实都几可爱，今次就拣咗好多人叫嘅炸番薯，外边𠮶层粉浆系实嘅脆，咬落去都算系厚身，蕃薯香甜，而且价钱平，系必食嘅食物推介之一！
另外要介绍一下嘅就系佢嘅油池，究竟系乜？呢就真系要问一问店主先知。原来系一啲炸萝卜丝加埋鱼仔嘅炸物，食落去嘅感觉就好似食紧炸萝卜糕，但系佢更加真材实料！
可以好明显见到入边嘅萝卜丝系一条条，粉浆唔多。食落去萝卜同埋五香粉嘅味道重，上面嘅几条脆鱼干点缀，相当不错。
好开心时间五六年都可以再食番旧有嘅滋味，我期待。无论过多几多个五六都会仲系度，等我返嚟食佢！
张贴
