亞里斯餐廳 (已結業)

寻晚同朋友去左呢间餐厅食饭，点知俾我见到呢间餐厅既待客态度真系好差....事源系寻晚食食下饭，隔离枱好似有d 事发生，我就八挂望下啦，点知原来系个侍应成杯咖啡/奶茶倒左落人地个袋入面。之后受害者就拎哂个袋d 野出黎睇下有咩整湿左啦，我都以为好小事，点知...佢地拎左部相机同NDSL 出黎，d 电同card 拎出黎都有哂咖啡/奶茶0系入面，我心谂整返都无用啦...个袋仲夸张，成杯野0系入面，仲有d 冰架wor...不过我就睇唔到系唔系贵袋，但应该唔系Gucci 同LV 呢d 名牌既。之后受害者同个经理理论，仲叫埋差佬，好似好大件事咁。估唔到食餐饭都好似睇戏咁。到最后个经理咩都唔肯赔，仲将所有责任都推哂俾保险公司...我谂你地公司整到人地d 野咁又湿哂，整返都无用啦...赔返俾人都唔系好过份即...好彩受害者唔系我，但我都好戥佢惨啰。完全不负责任。