隨意饌 (已結業)

好多时去尖沙咀睇戏都临急临忙食嘢,之后赶住上戏院,当我每次都咁匆忙嘅时候,我就会拉朋友一齐嚟呢间拉面店食嘢,呢间拉面店位置比较唔起眼,所以有时都会行过忽略咗,但其实呢间真系不错,一个套餐可以简拉面或者乌冬配一客饺子,而且佢会畀一个绿茶茶包,热水任加,落咗order之后仲会好快就有得食!!今次我同朋友又系赶住去睇戏所以又嚟咗呢间度食乌冬,睇左一阵menu,我简返我最爱既蒜白面豉汤叉烧乌冬定食,朋友就简左豚骨汤叉烧乌冬定食,因为呢度可以拣拉面又或者拣乌冬,对于我哋呢啲乌冬控实在太好!!叉烧软硬适中口感几好,饺子唔太油又唔太林好好食,食咗咁多次水准都一样咁好!!