赤橋拉麵 (已結業)

去屯门行街多数留系市中心，今次为左揾食过左另一头，估唔到又真系寻到宝！赤桥舖头细细，不过典型日式风格都几显眼。岩岩去到唔知以为唔洗排队，原来条人龙隐藏左系隔离嘅巷仔，不过都唔洗等好耐就入到去墙身嘅画几得意，空间唔大但布置得几温馨依然系日本style，餐牌就三款拉面海老豚骨好浓郁！入口就系香浓嘅虾汤味，相信系熬煮而唔系味精。拉面冇得拣软硬到，觉得口感岩岩好（作为参考，我钟意偏软少少嘅面），肉冇咩太特别，反而蛋嘅流心做得岩岩好，荀亦好爽甜。鱼介豚骨冇虾汤咁惊艳，毕竟鱼汤味道比较清淡，不过都有鲜味，钟意清淡少少嘅朋友可能比较适合呢款～有时小店制作更用心，亦都唔系公式化嘅味道。店员全部都好有礼貌，真系好似去左日本嘅地道舖头，好愉快嘅晚餐体验！