臺坊

营业中

休息中

年初五嘅Lunch揀咗呢間台灣野，叫咗紅燒牛肉麵同埋手撕雞胡麻醬冷麵，免費嘅台式飲品都有五款任你揀，包括水蜜桃紅茶、百香果綠茶、檸檬紅茶、古早奶茶同埋香濃奶綠，我哋兩個人都揀咗百香果綠茶，仲可以揀三分甜，幾正。紅燒牛肉麵d紅燒牛肉好大件，炆得好淋好入味，個湯底同面底都唔錯，另外舊蘿蔔好入味好好食，幅相其實係食到一半先記得要影，所以其中一舊紅燒牛肉已經比我食咗。個手撕雞胡麻醬冷麵就麻麻哋，啲雞好”un”，麻醬唔夠，而且佢用隻咁嘅碟裝住，令到我好難撈勻啲麻醬，下次似乎食湯麵或者拌麵安全啲。