臺坊

营业中

休息中

年初五嘅Lunch拣咗呢间台湾野，叫咗红烧牛肉面同埋手撕鸡胡麻酱冷面，免费嘅台式饮品都有五款任你拣，包括水蜜桃红茶、百香果绿茶、柠檬红茶、古早奶茶同埋香浓奶绿，我哋两个人都拣咗百香果绿茶，仲可以拣三分甜，几正。红烧牛肉面d红烧牛肉好大件，炆得好淋好入味，个汤底同面底都唔错，另外旧萝卜好入味好好食，幅相其实系食到一半先记得要影，所以其中一旧红烧牛肉已经比我食咗。个手撕鸡胡麻酱冷面就麻麻哋，啲鸡好”un”，麻酱唔够，而且佢用只咁嘅碟装住，令到我好难捞匀啲麻酱，下次似乎食汤面或者拌面安全啲。