影片
更多
2019-07-09
321 浏览
同朋友喺太古行完街，諗住搵少少食物醫下肚仔。諗住食啲比較特別嘅食物，所以就揀咗呢間越南菜。因為朋友好鍾意食雞翼，所以前菜方面，我哋揀咗香茅雞翼。餐廳主要提供雞全翼，一碟有三隻雞全翼，我哋三位朋友每人啱啱好可以有兩隻。味道方面，雞翼香茅味重，食落唔會有味精嘅感覺，唔會太口渴，幾好味。我哋另外又叫咗個串燒拼盤，餐廳提供豬牛雞串，豬頸肉燒得唔會太老，牛肉燒得比較老，有少少難咬，雞都正常，味道不錯。主食方面，我哋首先叫咗個軟殼蟹香芒炒飯。軟殼蟹炸得香脆，唯一美中不足會比較油膩。炒飯份量足夠，加上芒果粒酸酸甜甜，幾開胃。芒果粒亦都可以解決軟殼蟹油膩嘅感覺，兩者好match。最後，我哋亦都叫咗個炒金邊粉。金邊粉配料有蛋絲，蝦，少量豬肉，花生碎。食之前可以先加入青檸汁，咁樣可以令金邊粉有酸甜嘅味道，食落就會更加開胃啦！
因為朋友好鍾意食雞翼，所以前菜方面，我哋揀咗香茅雞翼。
餐廳主要提供雞全翼，一碟有三隻雞全翼，我哋三位朋友每人啱啱好可以有兩隻。味道方面，雞翼香茅味重，食落唔會有味精嘅感覺，唔會太口渴，幾好味。
我哋另外又叫咗個串燒拼盤，餐廳提供豬牛雞串，豬頸肉燒得唔會太老，牛肉燒得比較老，有少少難咬，雞都正常，味道不錯。
主食方面，我哋首先叫咗個軟殼蟹香芒炒飯。軟殼蟹炸得香脆，唯一美中不足會比較油膩。炒飯份量足夠，加上芒果粒酸酸甜甜，幾開胃。芒果粒亦都可以解決軟殼蟹油膩嘅感覺，兩者好match。
最後，我哋亦都叫咗個炒金邊粉。金邊粉配料有蛋絲，蝦，少量豬肉，花生碎。
食之前可以先加入青檸汁，咁樣可以令金邊粉有酸甜嘅味道，食落就會更加開胃啦！
张贴
