影片
更多
2019-07-09
318 浏览
同朋友喺太古行完街，谂住揾少少食物医下肚仔。谂住食啲比较特别嘅食物，所以就拣咗呢间越南菜。因为朋友好钟意食鸡翼，所以前菜方面，我哋拣咗香茅鸡翼。餐厅主要提供鸡全翼，一碟有三只鸡全翼，我哋三位朋友每人啱啱好可以有两只。味道方面，鸡翼香茅味重，食落唔会有味精嘅感觉，唔会太口渴，几好味。我哋另外又叫咗个串烧拼盘，餐厅提供猪牛鸡串，猪颈肉烧得唔会太老，牛肉烧得比较老，有少少难咬，鸡都正常，味道不错。主食方面，我哋首先叫咗个软壳蟹香芒炒饭。软壳蟹炸得香脆，唯一美中不足会比较油腻。炒饭份量足够，加上芒果粒酸酸甜甜，几开胃。芒果粒亦都可以解决软壳蟹油腻嘅感觉，两者好match。最后，我哋亦都叫咗个炒金边粉。金边粉配料有蛋丝，虾，少量猪肉，花生碎。食之前可以先加入青柠汁，咁样可以令金边粉有酸甜嘅味道，食落就会更加开胃啦！
因为朋友好钟意食鸡翼，所以前菜方面，我哋拣咗香茅鸡翼。
餐厅主要提供鸡全翼，一碟有三只鸡全翼，我哋三位朋友每人啱啱好可以有两只。味道方面，鸡翼香茅味重，食落唔会有味精嘅感觉，唔会太口渴，几好味。
我哋另外又叫咗个串烧拼盘，餐厅提供猪牛鸡串，猪颈肉烧得唔会太老，牛肉烧得比较老，有少少难咬，鸡都正常，味道不错。
主食方面，我哋首先叫咗个软壳蟹香芒炒饭。软壳蟹炸得香脆，唯一美中不足会比较油腻。炒饭份量足够，加上芒果粒酸酸甜甜，几开胃。芒果粒亦都可以解决软壳蟹油腻嘅感觉，两者好match。
最后，我哋亦都叫咗个炒金边粉。金边粉配料有蛋丝，虾，少量猪肉，花生碎。
食之前可以先加入青柠汁，咁样可以令金边粉有酸甜嘅味道，食落就会更加开胃啦！
张贴
