峰壽司 (已結業)

大少话要食寿司, 所以就求其入o左一间. 明明食饭时间仲有大把位, 都知有古怪. 算啦, 反正都系陪大少, 坐下倾下计都得o既. 分享下我地食o左o既o野啦 :炸生蚝寿司 – 热辣辣上碟, 炸浆唔厚, 酥脆, 蚝味浓, 好味道曼城卷 – 唔记得饭中间卷住o既系三文鱼定吞拿鱼配芝士, 味道出奇地夹, 个人好喜欢, 尤其系佢包面o既红色粒粒, 系我食过最好味o既. 不过, 大少唔钟意食芝士就食到咀歪歪.三文鱼寿司 – 多筋, 鱼身湿不过有鱼味数之子寿司 – 因为好奇心, 所以叫o左呢个. 系黄色鱼春, 咬落去好实, 无用醋腌过, 食味淡, 加o的豉油会较易入口. 呢个试一次就够玉子寿司 – 太甜, 无蛋味, 可以唔食腐皮寿司 – 煮得唔够耐, 好似唔熟咁, 中间咬落去系硬身o既, o赵o左好耐先吞到. 又唔够味, 哎…牛舌寿司 – 做唔到香口松化效果, 好似咬紧鞋底, 食完都唔知自己食o左咩墨鱼寿司 – 硬又无味, 好难食长鳗鱼寿司 – 见个师傅仔大火烧已经知唔对路, 一望个面烧到㶶哂, 食落好苦. 个汁又唔够味, 得个颜色深. 成件鳗鱼软pear pear, 做唔到外脆内嫩o既效果