阿翁廚房 (已結業)

呢日难得嚟筲箕湾。虽然想食珍姐嘅泰国菜，但男朋友想食上海菜多啲，所以就揾咗呢间隐世上海菜。地点有啲偏僻，但跟住地图不算难揾。去到门口见到得好少人，不过都照入啦，隐世嘛。我地叫咗五个小笼包、香露醉鸡汤面，跟餐热豆浆。小笼包ok，唔算特别好，但就系食完冇咩印象嘅水准。皮唔算厚，馅唔算少，但汤汁味道唔算特别好。上一篇写嘅食评咁啱系「手拉面小厨」，果度小笼包喺香港超晒班。香露醉鸡汤面酒味浓郁，鸡肉够滑，份量不少。唔怪得隔篱枱四个人叫咗大大个醉鸡煲。汤面纯粹饱肚，男朋友话个汤淡到水一样。跟餐热豆浆少甜重豆味，唔错。