Ruby Tuesday (已結業)

趁会员资格未到期就再黎食多次Ruby Tuesday, 冇会员卡食始终有d贵。露比三合一拼盘 Triple Play人数唔多又想试最多嘢食，最好就嗌拼盘 。呢个拼盘有半份经典烧排骨，加上炸虾同埋鸡件。配菜方面，除左右有西兰花仲可以拣焗薯或者薯蓉。我哋就当然拣咗好吸引嘅焗薯。新奥尔良海鲜饭 New Orleans Seafood煎鱼柳同埋烧得金黄嘅虾， 放咗喺特制嘅芝士忌廉上，再加上拌入咗松露同磨菇嘅意大利饭。成味菜配合得好好， 意大利饭带出海鲜嘅鲜味，两者唔会抢去对方嘅味道。