Droplet (已結業)

由于买左团购既关系，今日专登喺lunch time既时候山长水远由中环行上电梯「长征」至此帮衬。从100QRC上黎呢度都唔算好耐，慢慢行大约7-8分钟就到。由于exactly喺电梯下面，沿路行上去既时候好容易就会望得到，非常易认。餐厅采用「仿」欧洲路边coffee shop既style。同大部份SOHO既餐厅一样，全程全英语对白。全店用左open kitchen型式，只有10个座位左右，好处系相对比较cosy D，但系咁样就会令到油烟相对比较大，捞埋食客既烟味喺大热天时冷气九唔够既情况之下真系有D难顶！团购餐include一罐野饮+burger+粟米。粟米方面普通到唔普通，个人觉得麦记之流比佢做得更加出色。至于主角burger块汉堡扒睇得出用左好多心机去煎，只可惜面包只系嘉顿之流，口感非常一般。不过，汉堡牛肉做得非常出色，非常juicy之余，咬落去第一啖既时候更加食得出淡淡既牛肉味道，虽然整体少少偏油，但咁样反而令到入口既时候口感更加滑，正！至于汉堡鸡肉方面就相对失色。由于用左鸡胸肉整成既鸡柳「合并」而成，口感非常鞋口之余亦都非常干身，干争争既感觉令到口感超差。除此之外，肉质亦都非常韧