段純貞牛肉麵 (MONTEREY Place)

营业中

休息中

餐厅名讲明系牛肉面店，咁就当然要试吓佢嘅牛肉面。犇牛四宝面（$108）非常足料，个汤系红烧牛肉面𠮶种比较浓味嘅汤，食完略嫌有少少咸。面方面，可以选择幼面或者手工面（ 粗面 ）。想食清淡啲，就可以试佢嘅炖浓汤鸡面（$88）。 汤头清淡好多，而且味道丰富。鸡肉有一只鸡上髀，一只鸡下髀，都算系啖啖肉。男士去食如果惊唔够饱，可以叫多个小食。卤水拼盘（$78）有牛肚、牛𦟌、卤水蛋、豆腐同菇，一次过满足你几个愿望，不过部份食物味道都系略嫌偏咸。总括而言，今次试呢间餐厅，主要系有信用卡优惠。如果唔系有优惠，正价就应该唔会帮衬，因为未到好好食嘅程度。