鐵牛台灣牛肉麵 (旺角中心第一座) (已結業)

今日放工去左旺角食饭，心思思想食台湾菜，朋友就推介呢间餐厅。由于我地好早就黎到，所以完全唔洗等位就有位啦。呢度系先点菜、比钱，然后先会上菜。我叫左招牌红烧牛肉面。个汤底好浓郁，同平时既牛肉面有少少唔同，有少少苦涩嘅味道。啲牛肉系好食嘅，唔会好硬好柴，但整体黎讲还好。我地叫左个炸花枝丸一齐食。花枝丸都炸得唔错，沾埋啲辣椒粉都好野味！个辣椒粉真系有啲辣，唔食开辣嘅朋友就唔好沾咁多！朋友分别叫左蕃茄盐酥鸡面同埋盐酥卤肉便当。叫嘢食可以加18蚊配台式饮品，我叫左杯胚芽珍珠奶茶。啲珍珠系半透明嘅，同平时出面饮嘅唔同。成杯奶茶都好甜，下次唔会再叫。最令人失望嘅系用即弃胶杯黎装，但睇食评之前系用玻璃杯装饮品，唔环保服务方面啲职员好赶咁系咁执走我地枱面嘅野，想赶我地走咁，但明明间餐厅仲有好多位。