馬辣台式鴛鴦火鍋 (大鴻輝(荃灣)中心) (已結業)

见食评人人都话好，趁今日去开荃湾，晏昼上去打一打边炉，中午12:00，台数不多，约6-7台客。一行4人入座，安排坐窗边，够舒服😌。因有小朋友，拣咗个蔬菜清汤同大人喜爱嘅沙爹汤。蔬菜清汤比想像中清甜，沙爹汤就唔太够味，淡淡的。先嚟点餐，牛肉的确薄薄一片，安格斯牛肉味浓，其他肉则一般般。蔬菜类得唐生菜同西洋菜，无咩选择。反而丸类超多，钟意食嘅朋友一定食足够本。食饱就食饭后甜品，雪糕都系大路嘢，如果想食D字牌雪糕，可以拣好叫店员拎。糕点可能太早关系，店员未准备好，出得一两款，无得品尝😔。正正常常嘅一餐，无咩惊喜，但店内嘅餐具都几污糟，劝大家食前先洗一洗，抹干净。