譽居

营业中

休息中

该店已在商场开业多年。是日同个老友帮衬下午茶。嚟到门口已经见倒有个大牌介绍下午茶内容。入面嘅装修都几切合佢个名，属于新派怀旧茶居风格，有卡位同散枱提供，我地揾左个卡位坐，都几舒服嘅。睇吓个餐牌，都有多类出品可选择。粥嘅卖相一般，用匙羹拨开d粥，见倒d料。咸瘦肉配皮蛋，食落都OK，粥都算棉嘅。油条唔系即炸，欠左少少应有风味。云吞面面质都爽嘅，配云吞三粒，制作都算坚实有口感。所谓陈皮牛肉肠就唔多得喇，主要因为唔系即制而系番蒸，冇晒肠粉嘅柔软度，肠皮变厚且热度不足，亦唔觉有陈皮味。该店下午茶以28蚊嘅云吞面做主角，看似廉宜，但如果祗系帮衬食云吞面，因为要俾茶钱同加一，埋单要成37蚊，以下午茶嚟计，一d都唔平啰。至于是日食𠮶d其他嘢，质量祇系一般，肠粉就唔多合格添。