Mimila (已結業)

Mimila曾经系新城市广场唯一表态嘅黄店💛，作为大商场租户仍选择发声实在难得。原来Mi 系马来话「面」嘅意思，难怪餐厅嘅主打系新派南洋风面食同创意菜式🌴。店内运用粉蓝色同橙色元素打造时尚南洋风，的确几有特色~————————————————👅咖哩喇沙鸡饭 ($88)👍🏻 咖哩同喇沙通常都系分开嘅，呢次咖哩mix喇沙水准正常。𩠌方面有两件鸡槌🍗、一只鸡翼同一啲鸡件，感觉唔算鲜味滑嫩，白饭表面加咗少少炸蒜丝，整体辣辣地几有马来风味👅马来虾汤面 配海虾及西班牙栗饲黑毛猪 ($98)👍🏻「厨师每日用30公斤海虾，用八小时手工炒料，六小时慢火熬制。」见到餐牌上呢一句忍唔住叫返碗试吓有几厉害，汤底闻落虾味几浓郁🦐，海虾同黑毛猪不过不失啦，配有芽菜及青菜。第一次尝试「掺掺」几有惊喜，即系爽口嘅油面配索汤嘅米粉，同时食到两种面感~————————————————🚩总结：主食单价接近百元，考虑返地点都可以理解嘅🆗~———————————————— 🌟注意：设加一服务费————————————————📍 Mimila地址︰沙田正街18号新城市广场1期7楼704号舖.🗺地区：#bem沙田📥分类：#bem亚