叄瘋 (已結業)

同行友人一直强调呢度啲嘢食好细份，可能唔够饱，但唔知系咪因为食咗少少嘢嘅关系，我觉得份量啱啱好！呢度地方比较细，座位唔多，餐牌都系得两页，选择亦唔算多，我哋叫咗两个面一份蛋饼，食食吓觉得好饱😂先讲一下台式担仔面，分别叫咗红烧牛肉🐮同葱油鸡🐥，个面底本身都几高质，好弹牙好爽口，我嫌唔够多汁，不过可能太多汁都保持唔到个弹性，朋友话个鸡好滑，但我个牛就有啲韧，太多筋腱位，如果叫都唔好叫牛肉🙅🏻‍♀️之前听人讲一定要叫蛋饼，但我哋试完都觉得麻麻，个蛋饼面粉味有啲重，馅料都叫浓郁，不过稍嫌芝士味唔够重。最后套餐奉送嘅冬瓜茶连本身唔饮嘅朋友都觉得好饮，唔会太甜👍🏻总体嚟讲，不过不失，可以一试。