全記海鮮菜館

营业中

休息中

入西贡唔食海鲜就浪费，行过全记见佢好多客，咁就入去试吓啦！虽然只系1人前，冇碍兴致行去鱼缸拣海鲜煮几个𩠌😄椒盐鲍鱼个人好少食椒盐𩠌，但出街食当然点啲自己唔会系屋企煮嘅𩠌，所以叫椒盐鲍鱼。鲍鱼一啲都唔老仲有椒盐香口感，用可乐送呢碟𩠌好正！红烧豆腐话系家常菜，但我自己从来未试过煮红烧豆腐。呢碟豆腐用红烧，味觉上清楚分开到椒盐、蒜蓉蒸嘅味道，唔会浓咗但亦唔会淡口。蒜蓉粉丝蒸圣子4只超大圣子蒸得啱啱好，配蒜蓉粉丝蒸，食到圣子鲜味之余，粉丝又吸住啲汁，1个人食晒4只好够喉！样样都好似几好食，但点解系不过不失嘅海鲜酒家呢？🧐 重 点 系 碟 碟 送 到 我 枱 都 只 系 暖 暖 地 嘅！！我有尝试过同服务员讲，个个都好似好忙咁，叫极都冇人应，我又肚饿，唯有食啰！我都见到隔离枱有同样问题，叫咗好耐先至有服务员睬佢，到我食完走啦，佢果碟𩠌都未喺厨房返出嚟。