影片
更多
2020-11-03
3265 浏览
话说原本谂住去医局街出名嘅大排档食饭，但架车无呔气嘅感应灯突然著咗，于是就兜咗落大角嘴打打气，去紧角祥街途经文成记，Honey就话呢到牛肉好出名，咁一向食咩都无所谓嘅我就决定改地点，入完气泊好车就入去揾位。正值晚饭时间竟然唔使等位，一入就即刻有枱比我哋，见到有猪骨煲又好似好耐无食，所以就先落咗个猪骨煲，再慢慢拣埋其他嘢食。既然Honry话呢到出名食牛，当然我哋都唔执输紧系点咗碟手切牛啦，牛肉确系好滑好有牛味；另外点咗个桶蚝，Size唔会太巨型，估唔到加埋都有成10只，都几鲜味。而响令就即炸好松脆；司蚶都算新鲜。但其他食物就好一般，鸭血无味；水鱿切到好细好碎；黑柏叶都无咩味。差啲唔记得个猪骨煲，呢个猪骨煲内嘅猪骨不是我杯茶，原以为会喺一半筒骨一半其他骨，但成煲都系筒骨，不过我知其实好多人都钟意筒骨，如果钟意食嘅人就啱哂。埋单时记得Check单，计多咗支啤酒埋单$836@2人
正值晚饭时间竟然唔使等位，一入就即刻有枱比我哋，见到有猪骨煲又好似好耐无食，所以就先落咗个猪骨煲，再慢慢拣埋其他嘢食。
既然Honry话呢到出名食牛，当然我哋都唔执输紧系点咗碟手切牛啦，牛肉确系好滑好有牛味；另外点咗个桶蚝，Size唔会太巨型，估唔到加埋都有成10只，都几鲜味。而响令就即炸好松脆；司蚶都算新鲜。
但其他食物就好一般，鸭血无味；水鱿切到好细好碎；黑柏叶都无咩味。
差啲唔记得个猪骨煲，呢个猪骨煲内嘅猪骨不是我杯茶，原以为会喺一半筒骨一半其他骨，但成煲都系筒骨，不过我知其实好多人都钟意筒骨，如果钟意食嘅人就啱哂。
埋单时记得Check单，计多咗支啤酒
埋单$836@2人
张贴
