烽築

营业中

休息中

香港仔其实唔多小食店，所以有时口痕起来想食少少嘢都几麻辣，烽筑喺小巴站附近，买完上车就刚刚好。呢度有好多小食，例如：煎酿三宝、炸鸡髀、鸡蛋仔、碗仔翅等等，好多港式街头小食。今日想食煎酿三宝，$20有七件，有云吞、青椒、红肠、肠仔、茄子、蟹柳及鱼蛋等等，拣咗青椒、云吞茄子及鱼蛋，因为红肠、肠仔好似好细旧，所以想食但无叫，哈哈哈。始终唔系即叫即炸，虽然放喺保温位置但都系唔够热，鱼肉份量还好，云吞稍微有啲油，鱼蛋都算弹牙，如果可以热少少就好啦！发现仲有生炸鸡髀，下次要试。