影片
更多
2024-10-03
741 浏览
当金鹤仲响土瓜湾嘅时候，我已经想去食，但当想去嘅时候佢已经执左，而其他分店又比较远费事去。如事者唔知到几时，旺角又开左间分店，我都系近排先赫然发现。见咁近，去试试啦。《鸡🐔白汤拉面🍜》如果我冇记错，早响而家一间响歌赋街嘅神店卖炸牛蒡配鸡🐔白汤拉面之前，呢间金鹤已经做紧。所以，炸牛蒡先至系最大特色。香味 (3.5/5) - 唔算十分香，可能因为本身鸡白汤香味并唔强烈，所以就咁闻，香气系欠奉。闻到主要系炸牛蒡阵炸油味。汤头 (2.5/5) - 如果你认同，「鸡白汤鸡味一定要浓」呢句说话，咁你就会有所失望。呢碗汤嘅鸡味本身系比较淡，我明白呢度有另一款更贵嘅选择，叫《极浓。鸡🐔白汤拉面🍜》，但如果你话，要加40蚊叫碗极浓，个汤先有足够鸡味嘅话，我就觉得一开始就唔好做个普通版啦。老老实实，个汤其实系几顺滑嘅，甜度够，咸度偏低（啱我口味），只不过叫得鸡白汤，我对鸡味嘅存在感有一定预期，所以系有d失望。面条 (3/5) - 目测系中细面，直身，偏白，小麦味算有，挂呢款汤ok，不过不失啦。配料 (4/5) - 虽然香味，汤，同面条都唔系高分，不过配料我认为有货交。先讲配料中嘅主角，鸡叉烧。鸡叉烧用嘅部
《鸡🐔白汤拉面🍜》
鸡🐔白汤拉面🍜
$78
0 浏览
0 赞好
0 留言
如果我冇记错，早响而家一间响歌赋街嘅神店卖炸牛蒡配鸡🐔白汤拉面之前，呢间金鹤已经做紧。所以，炸牛蒡先至系最大特色。
香味 (3.5/5) - 唔算十分香，可能因为本身鸡白汤香味并唔强烈，所以就咁闻，香气系欠奉。闻到主要系炸牛蒡阵炸油味。
汤头 (2.5/5) - 如果你认同，「鸡白汤鸡味一定要浓」呢句说话，咁你就会有所失望。呢碗汤嘅鸡味本身系比较淡，我明白呢度有另一款更贵嘅选择，叫《极浓。鸡🐔白汤拉面🍜》，但如果你话，要加40蚊叫碗极浓，个汤先有足够鸡味嘅话，我就觉得一开始就唔好做个普通版啦。老老实实，个汤其实系几顺滑嘅，甜度够，咸度偏低（啱我口味），只不过叫得鸡白汤，我对鸡味嘅存在感有一定预期，所以系有d失望。
面条 (3/5) - 目测系中细面，直身，偏白，小麦味算有，挂呢款汤ok，不过不失啦。
配料 (4/5) - 虽然香味，汤，同面条都唔系高分，不过配料我认为有货交。先讲配料中嘅主角，鸡叉烧。鸡叉烧用嘅部份系鸡胸，虽然我唔认为系慢煮，但味道同质感我觉得都系几好，算几好味。
除左鸡叉烧之外，个炸牛蒡当然系第二主角啦。讲真，香港人近乎系冇食牛蒡嘅习惯，你问我牛蒡系咩味我真系答你唔到。呢个炸牛蒡系我响零概念嘅情况食，点知一试，又几好味㖞！我觉得佢似咩呢，似爽口嘅M记炸薯条，味道系真系有几分似。佢脆脆嘅口感，甜甜地嘅味道，的确系为整碗面带黎另一个层次。
猪叉烧方面，食落我觉得系用左猪里脊，因为比较柴，似食紧瘦嘅猪扒。肉味算普通，麻麻地。
溏心蛋🥚方面，只有半只，味道系好不过熟得D，只有半只食得唔过瘾。荀方面就碎左d，麻麻地。
整体 - 不推荐。不过，如果你对鸡白汤拉面要求唔系高，而又经过，食返碗系冇问题。
题外话/补充资料：
呢间店服务算系差，我唔主动叫佢，佢都冇比水我（水唔系自助式）。另外，佢上碗面时，错误地跟多左一只（额外一碟）溏心蛋，我开初冇为意，佢5秒后过来攞走左碟蛋，话：“唔系你嘅”，而冇讲对唔住之类嘅说话，呢吓真系要弹弹佢！我唔系想占平宜，不过因为佢地错误上错菜而要攞走我个盘上面嘅菜，一句对唔住或唔好意思系基本吧？Overall我都系比 OK，因为我始终都系觉得味道先系最重要。
(以上食记乃用户个人意见 , 并不代表OpenRice之观点。)
张贴
