酥我行 (已結業)

住元朗咁耐第一次帮衬哩间野，买左个盐酥鸡面($43)，盐酥鸡就叫左少辣，加多十蚊就可以有杯特饮。落单唔够十分钟度，就已经整好。老板娘拿个外卖出来时，个盐酥鸡嘅份量惊艳到我，估唔到佢咁大份。佢嘅面同鸡系分开上，而盐酥鸡就另外用个盒装，比起用纸袋装更卫生同冇咁易跌走鸡粒。但系试食过后，盐酥鸡粉浆真系有D厚，唔太食得出系鸡，鸡粒切得太细。至于碗面嘅份量都几足，碗底有少量生菜，汤底唔会太咸。但整体上以份量来讲都几足。而且食店嘅态度都几好，老板娘好友善亲自拿外卖出来，又系落单时提醒我可以将凳移去冇咁晒嘅位等侯。