梅窩麻糬王 (灣仔道)

营业中

休息中

作为麻糬波波控，成日都会留意边度有麻糬波波推出。小至街坊面包舖，大至受欢迎排队长龙店，都会去试。目标系揾到性价比高，有好食嘅麻糬波波。呢间梅窝麻糬王，成日见到有人介绍，初初以为要专登去到梅窝先有得买。但系原来佢哋港九新界都有好多唔同分店。今次咁啱路过，即刻买黎试试佢。麻糬波波有好多款式，全部都已经入晒袋包装，单一口味卖紧$25-$35/ 六粒，混合味道价钱会贵少少。不过听讲佢特色味道系会有包裹内馅，唔同一般既麻糬波波，所以就拣左mix 既口味食完其实都有啲失望，麻糬个面比较硬，咬落去虽然有内馅，但系唔够烟靭。由于钟意食烟靭口感嘅我嚟讲，真系有啲失色。就算焗热咗都唔算烟韧。个人觉得抹茶红豆味比较出色，食到红豆粒。朱古力味较为松软而肉松味就偏干身。总括而言，性价比欠奉，试过一次就可以。追求烟靭口感嘅麻糬波波就未必会拣呢间。