Burger Mix (已結業)

本人先利申，我系买团购2人餐嘅。食物已经系set好左架啦，但以呢个价钱试到咁多样嘢，我觉得系抵食嘅。先讲服务，又真系唔错噃，有效率，又有礼貌，抵赞至于食物方面，汉堡有夏威夷汉堡同埋蘑菇和牛汉堡，包嘅size同M记差不多大小，但味道当然唔会咁行啦，牛肉都算juicy，但唔会令人有十分嘅惊喜。洋葱圈就系洋葱圈，冇咩咁特别。炸薯条口感几rich，不过应该唔系自家制。反而鸡翼就几有惊喜，个面洒咗些少花椒粉，令鸡翼几惹味。最后到两杯特饮啦⋯⋯真系估佢唔到！可能店主惊食客食完炸物会热气，特登炮制咗紫色嘅柑桔特饮同埋蓝色嘅柚子特饮俾大家下吓🔥，虽然特饮配上burger确系有啲奇怪，但我都能够感受到店主嘅创意同细心。