千房 (已結業)

T.O.P呢个商场开左都一段时间，平时都好少行，今日咁岩系到行下就发现左呢间大阪烧既野，7点几左右黎到，都冇咩人食所以唔洗等位。但餐厅内有7成既位都系空，但唔知点解都要安排我地坐系已经有坐既台隔离😥搞到倾计唔太方便。由于我地两个女仔，食量唔太多，只系叫左小食，一个大阪烧同炒面。一心谂住有个铁板可以自己烧下，点知上到黎既食物已经系熟晒，铁板只系象徽式热住佢。再睇清楚menu，原来系有一只大阪烧系可以DIY，建议店员可以主动向客人解释分别。我地叫左烧鸡肾小食($48)，份量唔多，味道不过不失，有点硬。之后就上豚肉泡菜炒面($88)，炒面系用日式果只面，味道偏浓，口味比较重既可以试下，唔油腻面身食落唔会好干身。但份量真系少，两个女仔分都只系岩岩够食。最后，终于上左今晚主角豚玉烧($68)，岩岩黎嘅时候都系得酱汁，其他系自己再加工，倒如紫菜粉、柴鱼片、沙律酱。整体来说，食物水准一般，但食物份量偏细份，唯有粉浆增加饱滞感觉。