影片
更多
2021-07-11
1764 浏览
最近呢间酒家经常卖广告，又加上屯马线通车，所以决定去试下菜。可能系疫情无咁紧张既关系，六点钟上到去已经坐左一半人，仲要好多都已经系订左位，所以要 walk in 嘅朋友可能要早少少拎位。今次试菜主要试左广告入面几个推介既菜式：烧乳鸽：$18.8 只。由于佢系优惠菜式，所以每人只限一只。上台既时候皮脆肉嫩，都算系交足水准。又因为系特价野既关系，酒楼系唔会帮你将乳鸽一开二，要自己用剪刀处理。虾子柚皮海参：$98。呢个比较传统既菜式好少系其他酒楼食到。柚皮炆出嚟嘅感觉都算比较腍，入口亦都冇苦涩味。不过美中不足既地方系芡汁太多将柚皮既原味盖过。胡椒花胶鸡煲：$198。呢个煲佢系写明有半只鸡同埋十两花胶系入面。十两花胶大约有五至六块大花胶系入面。系煲底仲有一堆娃娃菜垫底。花胶食落去都系一啲中下价质素既感觉。由于酒楼会俾个石油气炉将个煲保温，所以汤底既胡椒味会慢慢渗透出嚟，非常特别。清汤萝卜牛腩煲：$108。呢个菜比较逊色既地方系萝卜同牛腩都比较老身，食落既时候全部有渣。系呢间酒楼食饭有一个特别系佢既服务费系收13%，所以埋单果阵要留意下。但系佢会每位送番个橙俾你，都算系补偿番果3%。整体嚟讲酒楼
可能系疫情无咁紧张既关系，六点钟上到去已经坐左一半人，仲要好多都已经系订左位，所以要 walk in 嘅朋友可能要早少少拎位。
今次试菜主要试左广告入面几个推介既菜式：
烧乳鸽：$18.8 只。由于佢系优惠菜式，所以每人只限一只。上台既时候皮脆肉嫩，都算系交足水准。又因为系特价野既关系，酒楼系唔会帮你将乳鸽一开二，要自己用剪刀处理。
虾子柚皮海参：$98。呢个比较传统既菜式好少系其他酒楼食到。柚皮炆出嚟嘅感觉都算比较腍，入口亦都冇苦涩味。不过美中不足既地方系芡汁太多将柚皮既原味盖过。
胡椒花胶鸡煲：$198。呢个煲佢系写明有半只鸡同埋十两花胶系入面。十两花胶大约有五至六块大花胶系入面。系煲底仲有一堆娃娃菜垫底。花胶食落去都系一啲中下价质素既感觉。由于酒楼会俾个石油气炉将个煲保温，所以汤底既胡椒味会慢慢渗透出嚟，非常特别。
清汤萝卜牛腩煲：$108。呢个菜比较逊色既地方系萝卜同牛腩都比较老身，食落既时候全部有渣。
系呢间酒楼食饭有一个特别系佢既服务费系收13%，所以埋单果阵要留意下。但系佢会每位送番个橙俾你，都算系补偿番果3%。
整体嚟讲酒楼既出品都只系不过不失，而且价钱亦唔系特别经济实惠。如果呢个价位嚟讲可以有其他更好既选择。
张贴
