泰潮 (已結業)

今日去开机场做野，无聊行下T2揾食医肚，见到有间泰国野，望下餐牌，价钱合理仲要有职员价，即刻冲入去医肚先。餐牌有单点或套餐简，今日要左个海南鸡套餐，叫左个小食拼盘，马拉栈通菜。首先一开波，黎左个海南鸡饭，卖相可以，但d饭粒食落普通，饭无味，同埋分量唔多，对男仔黎讲唔够。鸡都几滑，唔错㖞。马拉栈通菜炒得几香，可惜咸左少少，单叫白饭一定好配合。小食拼盘有泰式鳯爪、虾饼，春卷。小食款式选择唔多，虾饼几好食，虾饼即炸好热同脆，又够厚身。春卷都几好啦，但馅小左d 泰式凤爪唔够辣。系机场黎讲，呢个价钱都已经唔错。