彩逸皇宮

营业中

休息中

平时同屋企人喺度饮茶就饮得多，晚饭真系第一次，呢日妈咪话唔想煮所以即兴黎食小菜。一如其他连锁酒楼，晚市价钱都偏贵，炒个菜都要八十几，但都有啲优惠菜式，半只片皮鸭$48。质量同价钱成正比，得八片，而且每片都得皮同肥膏，无乜肉，配料既葱尚算新鲜唔会太辣口。粉皮煎得几香，厚薄适中，口感可接受。+$48可以一式两味，有得拣姜葱爆鸭件或炒鸭丝，因为食得方便啲所以拣左后者。鸭丝份量足，韮菜新鲜唔鞋，炒得几香口，但略嫌豆豉落多左味道咸左啲。之前食过午市既橙蜜烧鳝觉得几好食，见晚市有就点左呢味蜜饯鳝拼盘，几丰富，有烧鳝、炸豆腐、腐皮同海蜇。海蜇爽口弹牙，酱汁甜而不漏，好惹味，反而腐皮一般般。鳝烧到岩岩好，搽上蜜糖表面烧到脆身，甜甜地好开胃，加上肉质滑而鲜美，油香足，整体口感好丰盈。炸豆腐炸到外脆内软，豆腐口感唔散，仍然好坚挺，入口仍唔会好油腻。最抵食系呢个金菇肥牛煲，份量十足，粉丝同肥牛都好多，沙嗲亦唔会太咸，唔洗送白饭都得。而且牛肉唔会太肥，每一块薄得黎大大块，食起黎好过瘾。整体不过不失，都系正正常常酒楼野，无咩要求但求一餐饱肚既可以一试。