點點心 (已結業)

有时好想食点心，但又唔想去酒楼，基本上就会去点心店，不过d质素就比较参差，唔系样样都好食。午巿有套餐，我哋叫咗云耳金针滑鸡加时菜，d饭粒粒分明，蒸得啱啱好，d鸡份量都好多，32蚊真系好抵。千岛酱虾春卷一向都系比较稳阵既点心，虾份量比较少，但配埋沙律酱味道唔错，又唔贵。煎酿茄子唔系用鲮鱼肉，有少少似虾胶，但唔够弹牙，口感普通。酱汁蒸凤爪一般货色，同平时既差唔多。虾网蒸肠粉真系唔多掂，因为佢d虾好似未熟透咁，好难咬开，仲系透透哋明咁，真系食唔落。芋泥煎堆几香口，中间芋泥冇想像中甜，可以一试。珍珠鸡普通货色，d糯米有d碎，冇平时食𠮶d好食。南瓜蒸排骨又系要blacklist，d肉好难咬开，咬咗一啖已经唔多想食，可以88了。