紅葉茶屋 (T.O.P This is Our Place) (已結業)

吴邱太放左学有点肚饿, 老公黎咗太子接我, 就近近地行去旺角揾食。不过系旺角揾野食都几头痛, 好多好多选择但又好多人。行到旺中附近,  就入左去行个圈望下。呢间野几得意, 有两面入口, 一面就好多人等位, 但另一面唔洗等就入得去,我地紧系行去唔洗等个面入。不过可能一面多人一面少人, 侍应就比较少, 想叫野就要等下。坐底之后, 睇下个餐牌, 感觉好似甜品为强项,  不过无理未食主餐就食甜品, 所以就睇定食。本来我老公拣左个西冷扒, 不过点菜时话所有扒类卖哂, 所以拣咗寿喜烧, 不过寿喜烧就有3款拣, 最后就拣左和牛寿喜烧。而我徘徊系日式咖喱猪扮定系生姜烧豚肉定食, 最后我老公帮我拣左豚肉定食。食物上台个刻感觉都几靓既, 不过食落去就唔算太大惊喜感, 豚肉同和牛都唔算"鞋"口, 其实方便都系一般, 不过一提就系定食既白饭系任添, 因为本身碗饭唔算大, 所以都要叫多一碗。