上海廳1930 (已結業)

星期六晚既上海厅,轮候需要大概20分钟 见到整间铺头都满晒人,所有店员都好忙,而喺咁嘅情况下,整体店员服务都算okay,呢样系值得一赞!两个女仔叫左一个炒饭,鸡丝海蜇,一客四只小笼包。个炒饭有啲辣辣地已经叫咗少辣,唔食得辣既注意一下,有比较多辣椒丝系里面。小笼包热辣辣,皮唔算薄,里面就有好多汤,肉有少少鞋。至于海蜇,呢间有两款海蜇,一种系黄瓜,一种系鸡丝,menu上面有两幅图,我哋拣咗鸡丝,原来呢款就系将鸡丝,海蜇同青瓜切到细细条,冇咩特别。 顺带一提呢度嘅茶钱系每位$5,佢会写明系餐牌上面,不过就唔系一壶𠮶啲,而系侍应拎个热水壶出嚟帮你斟落杯𠮶种。