億饍 (已結業)

临急临忙揾张大枱8个人食饭， 见到openrice 有成三百几个赞好， 所以就胆粗粗去咗订位试吓。 我哋系坐户外嘅位置， 由于系户外嘅关系， 四周围都围起帐篷， 但左右又有啲去水喉， 所以坐得唔系咁自在， 好在侍应招呼唔差。 我哋今日叫咗越南蒸粉包4件、越南春卷4件、卤水乳鸽、酸甜排骨、四季豆、咖哩牛腩、羊腩煲、蒜蓉包同油饭。 不过我想讲既系， 个咖哩牛腩份量真系少！ 竟然一煲得6粒同1粒薯仔。个羊腩煲都有10粒羊既，不过味道就一般啦！而其他食物都并不难食。见到食评赞好既乳鸽的确整得好嫩滑。整体黎讲食物质素不过不失。