亞金南洋茶室 (黃大仙中心南館)

营业中

休息中

到下午茶时间肚仔饿，喺商场行行吓见到呢间阿金南洋茶室，见到餐牌都好多选择，所以就二话不说入咗去坐低。云云接近20款下午茶餐里面有好多款都好想试，但既然第一次嚟到就拣佢嘅招牌茶餐，同埋试埋佢嘅招牌白咖啡。招牌阿甘无骨海南鸡配油饭，估唔到以下午茶餐嘅份量来讲海南鸡都算几多，冇骨嘅海南鸡真系食得好方便，肉质都几滑，配上三色酱感觉正宗，油饭都好够味，有香茅嘅香味，附送一碗好浓味嘅冬瓜汤。而朋友就试咗香茅猪扒配迷你地道喇沙，猪扒好入味好香，唔会好干好柴呢样抵赞，呢碗喇沙唔算好特别，但系都唔差，有好浓郁嘅椰子汤味，亦都唔系太辣，差唔多饮晒成碗汤，餐厅好细心可以比客人拣要渗渗，又或者系净米粉或净米线，自由度大。至于招牌白咖啡系炼奶底，略嫌有点浓，但系仍然十分香，食完主食再饮埋杯咖啡，慢慢享受下午茶嘅时间。