羅東肉焿番

营业中

休息中

难得同朋友入嚟元朗，就查下元朗有咩好野食。见呢间台湾菜就排喺第一位，所以我地就特登避开繁忙时间过嚟呢边食。嚟到见到呢间舖头有两个舖位，座位都尚算松动，今次就试咗最多人推荐嘅肉松芋泥吐司，再加红烧牛肉面同鲁肉饭。食完呢几款野食之后都有同一感觉，就系名过其实，可能系好评太多令我地期待过高，不过整体上都叫做可以满足一吓挂住台湾食物嘅欲望。不过如果下次嚟排队遇正人多嘅时候我谂我地都未必会排了。肉松芋泥吐司：店舖内嘅招牌菜，一个人食会有啲饱，建议同朋友两个人分一份。味道几好味，肉松同芋泥都有味，但有啲啲干，需要配饮品。鲁肉饭配台湾香肠：就系一道好普通嘅台式鲁肉饭，唔算话特别好食，胜在够饱肚，同台湾嘅都系有一点点距离。红烧牛肉面：就系一碗卖相同味道都非常普通嘅牛肉面，牛肉有少少鞋口，不过汤底都同台湾嘅有啲似，所以都尚算不错。