白鮨 (太古廣場)

营业中

休息中

星期六系PP行左一圈，最后拣左依间装修简单明亮日本野同朋友gathering 一下。menu 劲多选择，眼花撩乱，最后系朋友推荐下试左银雪鱼西京烧定食，朋友就叫左天妇罗乌冬定食。依个价钱，定食既前菜只系配中华沙律就有D hea啰。鱼有两件，鱼肉滑既，但都只系正常应有水平，普通质素。饭就有D干，全个定食都只系不过不失，睇menu既时候期望太高。另外朋友分左只天妇罗虾比我，因为虾细只，食落变左粉浆好厚既感觉。服务方面，水冇主动加，劲快就主动拎张单埋黎，餐厅唔full，我地都照坐倾下计。到2点几3点左右，员工就话佢地食饭时间，咁岩我地坐既位系员工用餐既area，就礼貌地话可以同我地调位。不过我地废事麻烦就走了，当时都仲有其他人系餐厅，应该就冇落场时间。