影片
更多
2015-04-13
1190 浏览
虽然那是去年的事，不过我都好想写番和男朋友去过食野的地方。呢一日系我失业多时之后的第一个返工日，而且我和男友都成两个礼拜无见，于是我们就约了呢晚出黎见下面啦。 那晚我男友睇完医生，都差唔多八点，不过他谂起 9 点开始稻香有宵夜火锅，而且每人都系百零蚊，都几抵食，咁就不如等多阵先去食啦。呢度的火锅系电磁炉的，比用 gas 炉的火锅更方便更安全吧。我们叫了鸡汤汤底，味道都 ok。薄切雪花牛肉，估唔到卖相都几靓，肥瘦适中，都有少少牛味啦。另外生菜大大碗咁上，份量好多，洗得好干净，而且都算新鲜。基本上我们两个都钟意食牛，差唔多成晚都在食牛肉。另外都叫了其他食物，好似豆卜、鸡肉、炸腐竹卷、白萝卜等，不过味道都系普普通通啦。记得最后我们仲拿了两杯细细杯既雀巢雪糕，我想食既朱古力味无晒，咁男友帮我拿了芝麻味，而他拿了云呢嗱味，叫做饭后甜品啦，好满足~ 男友系心急人，同佢一齐食饭，系好难影到靓 shot 架，相机想食先都好难，哈哈。但系，当煲入面既水就黎干晒，有些侍应都好似睇唔到咁，好少主动帮我们加水。我们亲眼和亲耳听到和睇到，当有个后生既侍应，想主动帮我们加水个阵，有个老老地的侍应就叫他唔好搅，好
那晚我男友睇完医生，都差唔多八点，不过他谂起 9 点开始稻香有宵夜火锅，而且每人都系百零蚊，都几抵食，咁就不如等多阵先去食啦。
呢度的火锅系电磁炉的，比用 gas 炉的火锅更方便更安全吧。
我们叫了鸡汤汤底，味道都 ok。薄切雪花牛肉，估唔到卖相都几靓，肥瘦适中，都有少少牛味啦。
另外生菜大大碗咁上，份量好多，洗得好干净，而且都算新鲜。基本上我们两个都钟意食牛，差唔多成晚都在食牛肉。另外都叫了其他食物，好似豆卜、鸡肉、炸腐竹卷、白萝卜等，不过味道都系普普通通啦。
记得最后我们仲拿了两杯细细杯既雀巢雪糕，我想食既朱古力味无晒，咁男友帮我拿了芝麻味，而他拿了云呢嗱味，叫做饭后甜品啦，好满足~
男友系心急人，同佢一齐食饭，系好难影到靓 shot 架，相机想食先都好难，哈哈。
但系，当煲入面既水就黎干晒，有些侍应都好似睇唔到咁，好少主动帮我们加水。我们亲眼和亲耳听到和睇到，当有个后生既侍应，想主动帮我们加水个阵，有个老老地的侍应就叫他唔好搅，好似仲骂左他几句添。
之但系桌面壸水太重，我女仔一个拎唔起，男友又咁岩整亲手唔方便拿。好彩我们次次叫那个后生侍应埋黎帮手加水，他都好肯过黎加水的。我们同他讲 sorry同埋累他俾人骂，他无西面，反而仲好风趣咁赞我男友系「廿四孝男友」添~
我们两个坐左三个钟，差唔多坐到半夜至走，但系都无人会催埋单或者赶我地走，即使环境有少少嘈，但都算系吹水既好地方。
呢餐饭埋单大约是 $220，即系平均每人 $110，食既野同晚巿差唔多，不过价钱就平一些，都几抵食！
但讲真，服务整体就差左少少。
虽然今晚宵夜不过不失啦，不过我真系好多谢男友，虽然他都失左业两个几月，但系今次都仲系他请食饭。BB，你对我咁好，我剩系爱你一个架咋。我希望下次出黎食饭个阵，我可以请番你食好野！
张贴
