雅仕餐廳 (已結業)

久未上水，小弟今晚就做个怀旧扒房系列。呢间餐厅门口同环境都充满怀旧气氛，啱晒我啲咁老派嘅人，令人有所期望。宝宝同我都叫左2份晚餐精选，价钱都叫大众化。话说今晚特别肚饿，宝宝叫左西冷意粉，我叫左羊鞍薯条，红汤配蒜蓉包。红汤略嫌太辣，不过蒜蓉包就脆卜卜几好味。饮完碗汤，等左半个钟先上主菜，真系饿到晕。最惊讶系，呢到扒餐都系用碟上，唔系铁板。薯条有些少放凉，好彩羊鞍足秤，配蒜蓉汁咬落juicy，仲唔骚，攞返分。不过宝宝份七成熟西冷，un 左小许，普普通通。好彩，套餐有甜品送，宝宝话加返分，可以拣布甸或啫喱，有趣系我同宝宝都拣左布甸，但上左啫喱...侍应就似乎发紧梦...总结而言，不过不失，性价相乎。蒜蓉包、羊鞍都算唔错，好评，不过下次都系食清汤腩好㖞。