麺屋武蔵 (已結業)

收工同2个朋友约左去APM食饭, 大家都系钟意食日本野GE人, o系openrice 揾到喱间拉面店, 睇d comment 应该都唔会中伏ge, 所以就去左啦咁我地都各点左一个唔同的汤底, 方便大家试味呀吗~ 一碗系咖哩汤底, 一碗系红汤(辣), 不过我地3个唔太食得辣ge人都觉得一d都唔辣, 最后仲有一碗系白汤(猪骨), 基本上3个汤底都一般, 唔系特别浓郁, 唔似正宗的日本拉面, 但又未去到差, 面质还可以, 温泉蛋几好食, 豚肉就冇咩味道, 不过面的份量都几多, 几大碗, 我地3个女仔都食到劲饱另外点左2个小食, 一个系炸鸡, 鸡肉就一般, 唔系太嫩滑同多汁, 但系配ge芥末沙律酱都ok,另一个小食系Wasabi菠菜, 喱个反而有惊喜, d 酱汁又唔会太过浓, 都几香, o岩o岩好, 同 菠菜的味道都几夹, 系全晚的highlight整体黎讲都系不过不失, 如果行开apm 想食拉面都可以食下, 但又唔会话想食完又食啰