杉玉

呢间喺D2 Place都算系一间新开嘅日本餐厅，有时午市系非常多人，令到我有啲兴趣试吓呢间餐厅。𠮶日我去嘅时候因为时间尚早，庆幸唔使等位。坐得就唔算太舒服，如果 full house 嘅时候会几逼，不过员工嘅服务态度都几好，至于餐厅嘅卫生状况都令人满意。我就嗌咗个号称每日得20份供应嘅舟盛丼，会附送一客面豉汤。个舟盛丼都有几款鱼生嘅，主要系吞拿鱼，整体嚟讲还算新鲜，至于卖相就请参考我嘅图片。最后埋单都系大概130几蚊，我觉得还好。