ナカヨ食堂

营业中

休息中

晚飯想食平dd,去咗黃埔aeon food court 搵食。呢檔有唔同種類嘅魚同海鮮，賣相幾吸引。同老公一人叫一個餐，佢叫咗海鮮拼盤飯，係生嘅，有三文魚、蝦、同埋其他魚生之類嘅野，睇落幾新鮮。我唔食得生野，我叫咗個黑椒檸檬鯛魚飯。呢個我鍾意，因為條魚煎得香，幾大條，又可以加檸檬汁落條魚度，酸酸地好清新，鯛魚味道剛剛好，冇骨嘅魚我鍾意每個餐都有2碟小食，今次有甜甜嘅蕃薯粒同埋醬油茄子，2樣都好食，好醒胃。隨餐仲有一碗湯，湯入面有三文魚、豆腐、紅蘿蔔、白蘿蔔、海帶等，材料都幾豐富，食晒成個餐都夠晒飽。