金寶泰國菜館

营业中

休息中

和5个朋友约埋一齐聚会，就拣定这间泰国菜。一早已经book位，七点到，场内已经有唔少客人，一到对完资料即有位，唔使齐人入座。九龙城地处偏僻，预左交通不太方便，店家留左一入门口张大枱比我地，随便坐，十分阔落，店家服务态度很好，几个朋友迟到，我两个人先落座都冇收到异样眼光，上菜快，收碟好及时，小食拼盘跟一兜香叶，我不明白点配搭，问店家，店家虽然忙都愿意答复，中间遇到差人抄牌，店家仲大声通知食客哈哈。食物方面，除了甜品，样样都好食，尤其是炒金边粉，最令我眼前一亮，金边粉口感非常好，绝对要一试冬阴功汤都好饮，叫个细份每人一碗小尝味道，很暖心。最受欢迎要属生菜包肉碎，好食到未黎得切影相已经清兜，不过分量偏少。甜品要攞出黎批评。特意叫左甜品拼盘，但冇样好食，样样失色，唯一合格就系芒果糯米饭的芒果和紫米，淋上面的椰浆都略失色，连我在泰国机场买的芒果糯米饭都样样出色过佢。这间确实煮得好食，但这种好食是出边（例如旺角）都食得到的程度，需唔需要特意入九龙城食就见仁见智，或者等宋王台站开左会来得多d（宋王台站就在呢间铺隔离街）。